• ثاني مؤلفاتى بعنوان مبارك يا من ذا الذي في مصر الجديد

مبارك يا من ذا الذي في مصر الجديده

حياتنا معاك بقيت حاجه عيضه

ناس مبووزه وناس ابتسامتها عريضه

ناس بتاكل حمام و عيله بتعيش علي بيضه

وناس تمجد الخاين الضييع بطار صميده

يا سيدي الحراميه كترت وافتكرت السرقه فريضه

خصخص وهجص ده الناس مصددره العبيطه

مفتح وبتاع مدونات هياخدك الفتوات وتروحوا تناقشوا قضيه بسيطه

والدنيا خربت والشباب بقيت عبيطه

مسقط بنطلون ومبيين التيته

حشيش ونسوان وماشيلي مع برتيته

يا مبارك اصحي ده البلد حالتها مريضه

مبارك يا من ذا الذي في مصر الجديده

من سئ لاسوأ جريرنا معاك وامته هتزهق يا بن ال......اك

يا هرم اتهد علي راس البانوك علشان تموت قبل ما يخصخصوك

عامل المحله الله معاك ضد المهانه واتباع ال....اك

في ناس شريفه طالبه علاك لانك وطن عظيم وما حدا اشتراك

مبارك يا من ذا الذي في مصر الجديده

امامك الان اختيارات عديده

فترة حكمك فتره فريده

وبناءا عليه يا صاحب النظره البعيده

حلل عنا يرحمك ربنا ويديك صحه مزيده

ومتجيبش ابنك ليخليها عيضه

ولا اقوللك ما هى بقيت بزرميطه

والناس بقيت سليطه

ووالله عارفك راجل بن عبيطه ولا هتتعظ ولو بعد مية قصيده

مبارك يا من ذا الذي في مصر الجديده

نور العظماء

انتبه من فضللك مصر ترجع الى الخلف

"انا هبدأ اول بوست بعنوان"عفوا مصر ترجع الى الخلف

انا اتفقت انى هفضفضللكم . انا كنت ماشي من كام يوم في ميدان التحرير اكبر ميادين مصر ولقيت طفل نايم علي الرصيف وسط الميدان وببص لفوق لقيت علي سطح العماره متعلق لوحه كبيره لماما سوزان مبارك راعية العلم والطفوله والامومه:))))) واللوحه ده كانت لمهرجان القراءه للجميع انا اتسال لماذا لا يكون الاكل للجميع او البيوت للجميع او الامان للجميع ازاى يا حاجه سوزان يعني؟ ده انتى ست مسلمه وتعرفي ربنا بس الله اعلم تعرفيه ولا لا بس لا ولا تعرفيه ولا انتى ولا جوزك لانكوا شوية جعانين ولقوا شنطه فيها مليون جنيه الشنطه ده مصر والجعانين دول انتوا.... قسما احاسب عليه ان ايام الملكيه كانت احسن من الاحنا فيه دلوقتي في الرعايه بالطفوله علي فكره الصوره ده انا مصورها بنفسي في ميدان التحرير وبالنظر للصورتين هنعرف الحال الوصلتله مصر

في قلب ميدان التحرير

..


..

علي بعد خطوت من مكان نوم الطفل

..

ولكم مني التحيه ........

ملحوظه الصور خاصه بمدونة نور العظماء بس علشان مبوظهاش مش هكتب عليها حاجه *

ابدا كلامي بأسم الله الرحمن الرحيم

اسمي نورالدين التميمي و أول مره اجرب اعمل مدونه علي بلوج سبوت بس اتمني انها تكون تجربه كويسه اولا انا كنت علي جيران بقالى 3 سنين ومدونتي اسمها العظماء اتمنى ان اتمكن من اكمال مدونة العظماء وان تحوز علي اعجابكم وياريت تشجعوني:) و بجد عالم التدوين علي بلوج سبوت غير جيران خالص وصعب ان الواحد ينتقل من نظام لنظام مختلف تماما



فكرة المدونه ده هتبقي غيرفكرة المدونه الاولي ,, في المدونه ده انا هفضفلكوا واطلع كل الجوايه وهكون مطمن لاني هطلع الجوايه لشباب صادق في حبه لمصر شباب متحمس للتغيير ... في المدونه ده برده هعرض افكارى عليكوا وربنا ميجيبش اختلاف :)....انا الحمد لله متابع المدونات علي بلوج سبوت من زمان في ناس عظيمه جدا وبدون ذكر اسامى مدونات لتجنب اهدار حقوق المدونين الآخرين.. انشاء الله هبدا في التدوين يوم 28 سبتمبر بعد العوده من ضريح الزعيم ولقد اخترت هذا اليوم ليكون يوم بداية التدوين في مدونتي الجديده ليكون دليللا معنويا علي استمرر مسيرة الزعيم الخالد

تحياتي نور التميمي والقاكم يوم 28 انشاء الله

www.nourhetler2006.jeeran.com: عنوان مدونتي السابقه