Sunday, January 27, 2008

هذا ما وصلت اليه مصر


ما وصلت اليه مصر





الأسعار ترتفع على كل المستويات على الرغم من حديث الحكومة المستمر عن نجاح الخطة الاقتصادية وانخفاض سعر الدولارلم يبلغ الفساد والرشوة فى تاريخ مصر كله مابلغاه فى العقدين الأخيرين حتى أنه صار من المستحيل على المواطن العادى أن يحصل على

حقوقه الطبيعية فى المجتمع دون وساطة أو قرابة أو محسوبية، على كل المستويات

*******

مضى مايقرب من ربع قرن من الزمان دون أن تتغيّر الوجوه أو القيادات، فى العديد من مصالح الدولة باعتبار أننا شعب غبي ومتخلف وليس بين ملايينه الثمانين من يصلح، سوى أهل الثقة من الحبايب والأقارب والذى منه حتى أصيب الشباب بحالة من الإحباط الدائم والمستمر دون أمل فى تحسن الأوضاع أو تغييرها البطالة بلغت حداً لم تبلغه فى تاريخ مصر الحديث كله
*******

التعليم يتدهور فى كل مراحله من الحضانة إلى الجامعة على الرغم من التغيير المستمر فى مناهجه وأساليبه وسنواته وعلى

الرغم مما صار يمثله للأسرة المصرية من عذاب متواصل، وإجهاد مادي وبدني وعصبـي قانون الطوارئ استمر قرابة الربع قرن فى بلد لا بمل مسئولوه الحديث عن الديمقراطية وزهائها بمناسبة وبدون مناسبة

*******

بلغ عدّد الأحكام النهائية واجبة التنفيذ، ضد الدولة بهيئاتها ومؤسساتها والتي يرفض المسئولون تنفيذها من باب البلطجة، حداً لم يبلغه، حتى فى أقصى عهود الاستعمار والاستغلال الأجنبي إعلامنا تخلّف إلى الدرجة الخامسة (على الأقل) بعد إعلام دول تعلمت منا الإعلام قديماً وعجزنا عن مواكبة العصر وإدراك أن الأنفلوانزا التى يصاب بها مسئول كبير ليست أكثر أهمية من ضحايا كارثة عالمية كبرى
*******

الرياضة تتدهور فى اللعبات ذات الشعبيات الكبيرة، والرياضيون يتقدمون فى اللعبات الأخرى بجهود فردية تماماً ودون أية معاونة من الدولة أو حتى محاولة لرفع المعاناة عنهم بأية صورة من الصور

دور الشرطة لم يعد حماية أمن الوطن والمواطن، بل صار تأمين كبار رجال الدولة والمسئولين فحسب

*******



إحصائية تليفزيونية عشوائية تقول: إن ثمانين فى المائة من المصريين يرفضون التغيير لا تضحك .. هذه ليست نكتـة

29 comments:

مـحـمـد مـفـيـد said...

ولسه يا نور ياما نشوف

nour el 3ozamaa said...

حاج محمد مفيد


ازيك يا ريس اكيد طول ما مبارك موجود هنشوف الويل

تحياتى ليك يا ريس

raspoutine said...

المصريين خايفيين من التغير لانهم خلاص بقو خايفيين من بكرة وبقو خلاص راضيين بالواقع وكمان ماشيين على مبدأ اللى نعرفو احسن من اللى منعرفوش

تحياتى ليك

Empress appy said...

ايه مين فين
هو على فكرة فيها حاجه احنا بس مش فاهمنها يا جماعه اللى يكرمكوا مصر عليها ضغوط خارجيه كبيرة جدا جدااااااا واحنا دلخليا بنقطع فى بعض بجد ومش بنبص للامور الا من منظورنا زيادة اسعار وحركات كده اه معاك بس دى حاجات بتزيد عالميا بأمانه يعنى لو تابعت البورصه هتفهم
غير كده وبعد إذن سعادتك هو مين فى المعارضه دلوقتى ينفع يكون رئيس او مين سياسى ومش معنى كده انى عاوزة يفضل وعلى فكرة مش لحاجه الا للتغير فقط مش علشان هو عنده مساوئ او مميزات لانه مش ملاك من السماء ده بشر وبيخطأ وبيصيب

nour el 3ozamaa said...

راسبوتين

اهلا صديقي فينك من زمان وفعلا ده مشكله كبيره في الشعب المصري

تحياتى

nour el 3ozamaa said...

appy

ضغوظ خارجيه ؟؟؟؟؟؟ ليه بنساعد المقاومه ؟؟؟ واقفين ضد اسرائيل وامريكا؟؟؟ عاملين علاقات مع ايران ؟ فين الضغوط ؟؟ وانهي ضغوط تخللينا معندناش بنيه تحتيه مع العلم ان حسني مبارك بقاله 25 سنه وفي الاخر ميبقاش في بنيه تحتيه نفس الريس ماسك مفيش تداول سلطات وفي ناس لسه تحت خط الفقر حراااااام والله لما تقوللي في ضغوط هنأعد نبرر ليه الشباب البيموتوا وهما بيهاجروا هروبا من الفقر والقهر في مصر تقوليلي ضغوط امال لو بقي دوله محترمه وعاملين علاقات مع ايران وحزب الله وفنزويلا و كنا بنساند المقاومه الحال كان هيبقي ازاى؟؟؟

للاسف الحال في مصر مش لان في ضغوط لا ده لان كل موظف في الحكومه بيلاقي فرصه يسرق بيسرق الكلام ده من اول الفراش لغاية حسني مبارك كله بيسرق والشعب هو الضحيه في الاخر

Empress appy said...

معلش مداخله على السريع مين قال ليه نساعد المقاومة ده وبعدين ما اللى بيسرق من اول الفراش ده الشعب يا نور ولا ايه رأيك وبعدين اه عاملين علاقات مع ايران بص يا نور لما تدخل الجيش المصرى هتفهم اوكى وعموما متزعلش نفسك واهدى كده اعصابك يا راجل الله يكرمك وعلى فكرة مش كلهم بيهربوا من الفقر لا دول مش فقراء اللى يخليه يتصرف فى 30الف جنيه او اكتر ويروح يغامر بحياته يبقى يعمل بيهم مشروع بس هما عاوزين مكسب سريع لو متابع مدونتى كنت فهمت الحالات اللى بتسافر وبعدين ما انا قولت يتغير حتى نحس بنيو لوك كده على الماشى هههههههههه

nour el 3ozamaa said...

ليه نساعد المقاومه؟؟؟؟ والفراش فعلا من الشعب بس اتحط في ظروف غصب عنه انه يسرق علشان يعيش بصي في ناس بتسرق علشان تعيش انما واحد زى مبارك وصابته بيسرقوا علشان المليار يبقي اتنين وتلاته ده مش عدل ثانيا عاملين علاقات مع ايران منين ازاى اول مكالمه تليفونيه من سنة 86 تكون من اسبوع بين ابو الغيط و متكي وكان بسبب حاجه معينه احنا ماشيين ورا امريكا انما لما امريكا قلبت علي مبارك وقالتله الحريه وايمن نور والافلام ده مبارك عايز يعيش في دور الشهيد بس برده كلب ثالثا البيهرب بيكون متصرف في 4 الاف جنيه بالعافيه وجبتي 30 الف منين ؟ البيدفع 30 الف هيركب مراكب منتهيه اصلا ويعرض نفسه للموت ؟؟

اخيرا المقاومه ده النساعدها الامل الوحيد في خلاص الامه ولا انتى ايه موقفك من المقاومه؟

فارس عبدالفتاح said...

تعرف يا نور ياخويا

المشكلة فين المشكلة في الشعب وبالاخص الشباب .

يخوي كل واحد فى مدونته حاطت اشعار ثورية ونضالية وعامل روحة قائد ورمز الصمود الوطني المصري والعربي والاسلامي احياناً.

طيب فين يا اخونا الاشعار الثورية بتاعت نجم ومش عارف مين هو أمال ونجاة ودويده ومش عارف مين .

سيبها على الله الشباب اصيب بالغباء الفكري ووهن العزيمة والضعف والاستكانة ولكنه لم يتنازل عن الكلام والفلسفة غير المطبقة على نفسه .

واحسن الله عزاءك

السـيد شبـل said...

نور :
نظرا لتميزك ف الكتابه ادعوك لمشاركتنا فى تحرير
جريدة المناضلون
http://monadlon.blogspot.com/

ارسل لى ايميلك كى اتمكن من دعوتك
freesaiko2006012@yahoo.com

nour el 3ozamaa said...

السيد شبل

ده من دواعي سرورى وشكرا لمرورك

nour el 3ozamaa said...

فارس


ده حقيقي يا صديقي كلام واشعار بلا تطبيق

Empress appy said...

هو ايه ليه نساعد المقاومه اه طبعا انا مع اننا نساعدهم ونقف جنبهم فى الازمات بص يا نور انا مش بدافع عن مبارك ولازم تفهم او مش تفهم مش مشكلتى بقى الاهم يا جميل اننا منرميش حد من غير ادله وسيبك هو زى ما انت بتقول انا سالتك مين دلوقتى فى المعارضه ينفع مكانه بص يا نور لما البلد تهدى ساعتها نقدر نحدد مين اللى ينفع ومش معنى كده للمرة الالف انى موالفقه انه يفضل
ثانيا موضوع 30الف لا يا نور اقسم لك بالله بيدفع اكتر من كده لو كنت تابعت البرامج اللى كانوا جايبين الاولاد اللى رجعوا من الحدود واهالى الناس اللى ماتت زى 90دقيقه والقاهرة اليوم والعاشرة مساءا والبيت بيتك كنت سمعت الارقام دى منهم انا مش بألفها
ثالثا شخصيا ليه صديق من الزقازيق دافع حوالى 45 الف جنيه وسافر ايطاليا والناس عندها استعداد تدفع
اخير ا انا متابعه موضوعك هنا ابقى سيب ليه تعليق هنا وانا هناقشك لانك عتعمل برجله فى المدونه عندى علشان انا عاوزة اناقشك بدون تدخل حد اوكى
ومش معنى كده انك متجيش عندى لا طبعا دا انت تنور يا نور فى اى وقت انما انا بتكلم على الموضوع ده خلينا نناقشه على مدونتك وحتى الناس اللى عندك يتشاركوا معانا
وكفايه ان اسمك عزيز عليا وليه صديق اسمه نور بقالنا 14 سنه اصدقاء واخوات

MAKSOFA said...

الأحصائيه ماكنتش دقيقه لازم تقول أن النسبه دي بتقول

ماهو لامؤاخذه اللي نعرفه أحسن من اللي مانعرفهوش

nour el 3ozamaa said...

اولا نقطة انى مفهمش او افهم مش مشكلتك اسلوبك جميل اوى هههههه المهم احنا مش لازم نبص علي المعارضه ونشوف مين في المعرضه مش شرط اليمسك الحكم من المعارضه فيها ايه يعني لما يتمم ائتلاف بين قوي الشعب كله (عمال وفلاحين وطلبه زى ما قال الشيخ امام :)) بصي الحكايه بسيطه انما منقولش مفيش حد انا شايف ان الشعب المصري عظيم وانا شايف ان الشعب المصري تاريخيا متفوق علي جميع الشعوب وده وجهة نظرى ممكن اكون عنصري بس ده حقيقي لان المخرج الوحيد من الازمات الاحنا فيها ان احنا نعتز بنفسنا وبهويتنا العربيه والمصريه والاسلاميه والقبطيه علي حد سواء احنا شعب عظيم منستاهلش كده شوفي تاريخنا مينفعش بعد ايام العزع والكرامه الكنا عيشينها ايام حكم الخلفاء الراشدين او في العصر الحديت ايام العظيم محمد علي باشا او جمال عبد الناصر الله يرحمهم جميعا
انا لا اتفق معاكي يا استاذه في ان انى اعارض من غير ادله بزمتك حال مصر علي مدار ال25 سنه ده مش اكبر دليلي علي فشل مبارك في ادارة الحكم في مصر وفشله في اقامة حياه سياسيه محترمه وفشل في ادارة العلاقت الخارجيه واستمرار في تطبيق معاهدات تكبل مصر بقيود صارمه
بصي انتى بتقولي ان مفيش د في المعارضه ينفع انا اتفق معاكى جزئيا بس في 80 مليون هل لا يصلح اى حد في 80 مليون انه يمسك الحكم؟

وحكاية الهجره قسما بالله انا اعرف ناس من المنيا ابنهم مات كانوا دافعين 4 الاف جنيه علشان يركبوا مركب صيد هااااالكه علشان توصللهم علي سواحل اليونان وايطاليا المهم بغض النظر عن الموضوع ده اصلا المبدا ان الواحد يدفع فلوس علشان يهرب من بلده ده مؤشر خطير وده مش حاله منفرده لالا ده ظاهره وظاهره خطيره كمان لان الواحد لما يحس بغربة الوطن ده اخطر حالات الغربه الاجتماعيه
واخيرا لكى منى التحيه وكل التقدير

nour el 3ozamaa said...

مكسوفه


الاحصائيه نقلا عن جريدة المصري اليوم وعن مقال للعظيم نبيل فاروق

والنعرفه احسن من المنعرفوش ده مصطلح يتقال في جوازه في خطوبه او ما شابه ذللك مش رئيس جمهوريه يا استاذه :) وتحياتى ليكي

human said...

بعد كل هذا الفشل والفساد
لماذا فى رايك لا تقوم الثورة

nour el 3ozamaa said...

human


صديقي الثوره قادمه لا محاله ولكن هناك نقطه لا بد من تحالف قوي الشعب الفلاحين والعمال والطلبه لقيام مثل هذه الثوره الشعبيه

ولك مني التحيه

mesh2dra said...

السلام عليكم

ده من منطلق اللي نعرفه احسن من اللي منعرفوش

نفسي (........) يدخل على البلوج ده ويقرا البوست
تفتكر حيحصل ؟!!

******
بالنسبة لموضوع الجامعة
مفيش تعليق غير انه مهزلة
صحيح
هى شاشة الجامعة لازمتها ايه؟!!

سلامااااتي

د/اجدع بنوته said...

يالهوى هو الحال بقى غامق كده

بس برده

لسه ف خير

ولسه ممكن نتغير

والوضع زى ماهو

فزوره صح

ربنا يسهل

بس بلاش تلموا كل المصايب ورا بعض كده

بتخلى الدنيا قدام الواحد سووووووده

ف نفس الوقت اللى الظروف بتنزل والحال بيسوؤ

برده ف حجات حلوه بتحصل

هى مش كتير بس فيه

تحياتى

nour el 3ozamaa said...

مش قادره

الشاشه انا شايف انها ولا ليها اى لازمه مادام بتعرض بيانات غلط


تحياتى

nour el 3ozamaa said...

د اجدع بنوته


فعلا في حاجات كتير كويسه وفي امل انا متفائل :)

د/اجدع بنوته said...

سمحت لنفسى .. انى اقدملك تاجين هديه

هتقبلهم ..

النبى قبل الهديه ؟؟

ع العموم هما عندى .. شرفنى وخدهم

nour el 3ozamaa said...

طبعا اقبللهم شكرا ليكي :))

Mo3Az said...

فعلا الوضع صعب
ونحتاج الى اصلاحات كثيرة
نحتاج الى تجديد الدماء
نحتاج وجوه جديدة
نحتاج ان نغير من انفسنا ومن عاداتنا قبل كل ذلك

نحتاج الكثير
نسأل الله السلامة

----------

لك تاج عندى يا جميل
ياريت ما يكونش تقيل
:)

إبـراهيم ... said...

طب وبعدين ؟؟؟



عاوزينهم يكونوا بيحبوا التغييير .. خللي الـ 20% يأثروا ع الـ 80 !!!، مش عارف !!! مشكلة الاستقرار و


أنا بتخنق من السيرة دي !!

سنووايت said...

يرفضون التغيير لانهم فقدوا الثقة وفقدوا معها الأمل

ابو العربى said...

اكيد الاحصائيه دى من تلفيزيون الحكومه
ولسه كتير قوى هيظهر كمان تخيلى هيظهر نصايب

تحياتى

Yahia said...

معاك حق يا نور في كل اللي بتقوله في مختلف جوانب الحياة والمجتمع المصري بس برده فين الحل ؟ لازم يكون عندنا امل عشان نكمل الحياة ولازم يكون عندنا امل عشان نعرف نتغير للاحسن ، لازم يكون كلنا عندنا وعي عشان نعرف نتحسن.

تحياتي